Astanada 200-ge jýyq taksi júrgizýshisi adamdarǵa orynsyz tiisip, qyzmetin kúshtep usynǵany úshin jaýapqa tartyldy, dep habarlaidy Dalanews.kz.
Politsiia málimetinshe, keibir júrgizýshiler kóshede júrgen jaiaý adamdarǵa tikelei baryp, taksi qyzmetin tabandy túrde usynǵan. Osyndai áreketteri úshin 190-nan astam adam ákimshilik jaýapkershilikke tartylǵan.
Jalpy jolaýshylar tasymaly salasynda shamamen 1600 quqyqbuzýshylyq anyqtalǵan.
Olardyń ishinde:
-
370-ten astam kólik tehnikalyq talaptarǵa sai bolmaǵan;
-
330-dan asa júrgizýshi mindetti tehnikalyq baiqaýdan ótpei kólik basqarǵan.
Sonymen qatar ózge de júzdegen zańbuzýshylyq tirkelgen. Atap aitqanda, qaýipsizdik beldigin taqpaý, kólik júrgizý kezinde telefon qoldaný, sondai-aq 60-qa jýyq jaǵdaida júrgizýshi kýáliginsiz kólik tizgindegender anyqtalǵan.
Politsiia ókilderi mundai reidter jolaýshylardyń qaýipsizdigin qamtamasyz etý jáne zańsyz tasymalmen kúresý maqsatynda jalǵasa beretinin atap ótti.
