Astanada qaza bolǵan reseilik áskeri Magomed Nýrbagandovtyń atyna kóshe berilgen, dep habarlaidy Dalanews.kz.
Ashyq derekkózdegi aqparat boiynsha,buryn S-192 dep atalǵan kóshe 2025 jylǵy 30 shildede Astana qalasy ákimdiginiń qaýlysymen Magomed Nýrbagandov atyndaǵy kóshe bolyp aýysqan.
2016 jylǵy 9 shildede Magomed Nýrbagandov týystarymen birge Sergokala aýyly mańyndaǵy ormanda demalyp júrgen. Tańerteń olardyń úiine bes qarýly adam kelip, uiyqtap jatqan jerlerinen oiatqan. Qysqa sóz talastan keiin Magomedtiń nemere aǵasy Abdýrashid Nýrbagandov oqqa ushqan. Ol kámeletke tolmaǵan Arsen esimdi inisin qorǵap qalǵan, Arsen aman qalǵan.
Oqiǵa barysynda Magomedtiń politsiia qyzmetkeri ekeni belgili bolǵan soń, shabýyldaýshylar ony jáne inisin kóliktiń júksalǵyshyna kúshtep salyp, demalys aimaǵynan alystatyp baryp atyp óltirgen.
Ózin «Islam memleketi» múshelerimiz dep tanystyrǵan qarýly top bolǵan jaittyń bárin uialy telefonǵa túsirip, keiin ekstremistik saittardyń birine júktegen.
Keiin bul toptyń birneshe múshesi joiylyp, ekeýi ustalǵan. Qaza tapqandardyń biriniń janynan oqiǵa túsirilgen uialy telefon tabylǵan. Tergeý barysynda videodaǵy keibir kadrlardyń ádeii qiylyp alynǵany anyqtalǵan.
Resmi derekterge sáikes, ólim aldynda Magomed Nýrbagandovtan áriptesterin qyzmetten ketýge shaqyrýdy talap etken. Alaida ol: «Jumysty jalǵastyryńdar, baýyrlar!» (Rabotaite, bratia!) dep jaýap bergen.
Qoǵam belsendisi Rýslan Túsipbekov Aqtóbede ornalasqan býtikterdiń birinde Nýrbagandovtyń sózi men portreti ilingen plakat turǵanyn baiqaǵan.
Túsipbekovtiń sózinshe, Magomed Nýrbagandovtyń uranyna ainalǵan bul tirkes keiin Reseide imperiialyq-nasihattyq uranǵa ainalyp, Ýkrainaǵa qarsy soǵys aiasynda keńinen qoldanylyp keledi.
Belsendiniń pikirinshe, bul adamnyń da, onyń aitqan sóziniń de Qazaqstanǵa, sonyń ishinde Aqtóbege eshqandai qatysy joq.
«Bul reseilik narrativterdi elimizde kim taratyp júr? Eger bul shynymen de Aqtóbede ilingen bolsa, jergilikti bilik ókilderi ony ornalastyrǵandarmen sóilesýi kerek», – dep jazdy Rýslan Túsipbekov.
Jazbanyń sońynda Túsipbekov birneshe jasandy intellekt júiesi fotosýrettiń dál Aqtóbe qalasynda túsirilgenin rastaǵanyn atap ótti.
