Elordada jol qozǵalysy erejesin óreskel buzǵan júrgizýshiler anyqtaldy. Salyq Zımanov kóshesinde Skoda men eki Toyota Highlander kóliginiń ıeleri joldy tolyq jaýyp, qaýipti jyldamdyqpen jarys uıymdastyrǵan. Saldarynan ózge kólik qatysýshylary úshin apatty jaǵdaılar týyndaǵan, dep habarlaıdy Dalanews.kz.
Polısıanyń málimetine súıensek, oqıǵaǵa 18 jáne 33 jastaǵy er adamdar jáne júrgizýshi kýáligi joq kámeletke tolmaǵan jasóspirim qatysqan.
Barlyq kólik aıypturaqqa jetkizildi. Al jasóspirimniń ata-anasy birneshe quqyq buzýshylyq boıynsha jaýapqa tartyldy. Olarǵa kólikti quqyǵy joq adamǵa berý, bala tárbıesine nemquraıly qaraý jáne túngi ýaqytta balanyń qaraýsyz júrýine jol berý derekteri boıynsha ákimshilik sharalar qoldanyldy.
