Is-shara Halyqaralyq áielder kúnine orailasa uiymdastyryldy. Oǵan áielder hokkei akademiiasynyń 6 komandasy qatysty.
Astana qalasy dene shynyqtyrý jáne sport basqarmasy basshysynyń orynbasary Erkeǵali Korbozov atap ótkendei, bul týrnirdiń maqsatynyń biri – jazataiym oqiǵa kezinde zardap shekken elordalyq sport mektebiniń tárbielenýshisine qoldaý kórsetý.
– Týrnir udaiy ótkizilip turady. Sol sebepti biyl demeýshiler tabatyn múmkindik boldy. Túsken qarajattyń bári Dias Marattyń kómegine jumsalady. Jas hokkeishi birneshe jyl buryn jaraqat alǵan, áli kúnge deiin aýyr jaǵdaidy bastan keshýde, – dedi Erkeǵali Korbozov.
Alaida is-sharanyń negizgi kún tártibi Halyqaralyq áielder kúni boldy, sondyqtan týrnirdiń barlyq qatysýshysyna syilyq retinde jabdyqtar men ózge de sporttyq aksessýarlar tapsyryldy.
Aita ketý kerek, Bulbul Kartanbai – elimizdegi alǵashqy áielder hokkei akademiiasynyń negizin qalaǵan. Ol sondai-aq ulttyq áielder hokkei ligasynyń alǵashqy qazaqstandyq oiynshysy bolyp sanalady.
