ٸس-شارا حالىقارالىق ەيەلدەر كٷنٸنە ورايلاسا ۇيىمداستىرىلدى. وعان ەيەلدەر حوككەي اكادەميياسىنىڭ 6 كومانداسى قاتىستى.
استانا قالاسى دەنە شىنىقتىرۋ جەنە سپورت باسقارماسى باسشىسىنىڭ ورىنباسارى ەركەعالي كوربوزوۆ اتاپ ٶتكەندەي, بۇل تۋرنيردٸڭ ماقساتىنىڭ بٸرٸ – جازاتايىم وقيعا كەزٸندە زارداپ شەككەن ەلوردالىق سپورت مەكتەبٸنٸڭ تەربيەلەنۋشٸسٸنە قولداۋ كٶرسەتۋ.
– تۋرنير ۇدايى ٶتكٸزٸلٸپ تۇرادى. سول سەبەپتٸ بيىل دەمەۋشٸلەر تاباتىن مٷمكٸندٸك بولدى. تٷسكەن قاراجاتتىڭ بەرٸ دياس ماراتتىڭ كٶمەگٸنە جۇمسالادى. جاس حوككەيشٸ بٸرنەشە جىل بۇرىن جاراقات العان, ەلٸ كٷنگە دەيٸن اۋىر جاعدايدى باستان كەشۋدە, – دەدٸ ەركەعالي كوربوزوۆ.
الايدا ٸس-شارانىڭ نەگٸزگٸ كٷن تەرتٸبٸ حالىقارالىق ەيەلدەر كٷنٸ بولدى, سوندىقتان تۋرنيردٸڭ بارلىق قاتىسۋشىسىنا سىيلىق رەتٸندە جابدىقتار مەن ٶزگە دە سپورتتىق اكسەسسۋارلار تاپسىرىلدى.
ايتا كەتۋ كەرەك, بۇلبۇل كارتانباي – ەلٸمٸزدەگٸ العاشقى ەيەلدەر حوككەي اكادەميياسىنىڭ نەگٸزٸن قالاعان. ول سونداي-اق ۇلتتىق ەيەلدەر حوككەي ليگاسىنىڭ العاشقى قازاقستاندىق ويىنشىسى بولىپ سانالادى.
