Astanadaǵy University Medical Center Qazaqstannyń Tuńǵysh prezidenti Nursultan Nazarbaevqa júregine taǵy da operatsiia jasaldy degen jelidegi aqparatty joqqa shyǵardy, dep habarlaidy NewTimes.kz.
Meditsinalyq ortalyqtyń baspasóz qyzmeti kardiohirýrg Iýrii Pia jasaǵan delingen operatsiia týraly jariialanymdardyń eski ári qazirgi jaǵdaiǵa qatysy joq ekenin málimdedi.
«Jelide eskirgen málimetter tarap jatyr. Qoǵamdy jańylystyrmaý úshin tekserilmegen aqparatty taratpaýdy suraimyz», — dep habarlady UMC.
Buǵan deiin birqatar BAQ Nazarbaevtyń aýrýhanaǵa jatqyzylǵany jáne júregine operatsiia jasalǵany týraly jazǵan. Keibir jariialanymdarda operatsiia bir jyl buryn josparlanǵan, biraq eks-prezidenttiń jumys kestesine bailanysty keiinge shegerilgeni aitylǵan.
Meditsinalyq ortalyq bul aqparattyń eski derek ekenin túsindirdi. Nazarbaevqa jasalǵan operatsiia týraly sońǵy resmi aqparat 2023 jyly jariialanǵan. Ol kezde hirýrgiialyq aralasýdy Ulttyq ǵylymi kardiohirýrgiia ortalyǵynda belgili kardiohirýrg Iýrii Pia júrgizgeni habarlanǵan edi.
Nursultan Nazarbaev biyl 86 jasqa tolady.
