Astanada 6 naýqasqa múgedektik rásimdeýge kómektesemin dep aldap ketken klınıka dárigerine qatysty úkim shyǵaryldy, dep habarlaıdy Dalanews.kz.

Alaıaq dáriger óziniń qyzmetin jumys ornynda usynǵan, alaıda shyn máninde mundaı kómek kórsetýge quqyǵy bolmaǵan. Aldap alǵan 4 mln teńgeden asa qarajatyn ol jeke qajetine jumsaǵan.

"Prokýror usynǵan dáleldermen aıyptalýshynyń kinási tolyq dáleldendi, qylmystyq quqyqbuzýshylyqtar jıyntyǵyn eskere otyryp, ol bas bostandyǵynan aıyrý jazasyna sottaldy. Materıaldyq shyǵyn óndirildi", - dep jazylǵan habarlamada.

Úkim zańdy kúshine endi.