Astanada 55 jastaǵy er adam naýqas anasyn tunshyqtyryp óltirip, keiin ony ózine qol jumsaǵandai etip kórsetýge tyrysqan, dep habarlaidy Dalanews.kz.
2025 jyldyń shildesinde Sergei Ovsiannikov jedel járdem shaqyryp, anasynyń jaǵdaiy kúrt nasharlaǵanyn habarlaǵan. Dárigerler kelgen kezde egde jastaǵy áieldiń qaitys bolǵanyn anyqtady. Marqum uzaq ýaqyttan beri tósekke tańylyp jatqan. Alaida tekserý barysynda onyń moinynan kógergen izder tabylyp, ólimniń tunshyqtyrý saldarynan bolǵany belgili boldy.
Bastapqyda er adam anasy syrqatyna bailanysty ózin-ózi óltirýge áreket jasaǵanyn, al ózi ony qutqarmaq bolǵanyn aitqan. Biraq kórshileri men tanystary onyń esh jerde jumys istemei, anasynyń zeinetaqysymen kún kórgenin, ishimdikke áýes bolǵanyn jáne janjalǵa beiim ekenin jetkizdi. Tergeý men saraptamalar osy málimetterdi rastady.
Nátijesinde sot ony adam óltirgeni úshin kináli dep tanyp, 11 jylǵa bas bostandyǵynan aiyrý jazasyn taǵaiyndady. Úkim ázirge zańdy kúshine engen joq.
