Astana qalasynyń prokýratýrasy jeke sot oryndaýshylarymen múgedek retinde áleýmettik járdemaqy alýshy 27 boryshkerdiń bank shottaryna tyiym salynǵanyn anyqtady.
Qazaqstan Respýblikasynyń "Tólemder jáne tólem júieleri týraly" Zańyna sáikes, memlekettik biýdjetten jáne memlekettik áleýmettik saqtandyrý qorynan tólenetin járdemaqylar men áleýmettik tólemderdi esepke alýǵa arnalǵan bank shottaryna tyiym salýǵa jol berilmeidi.
"Prokýrorlyq qadaǵalaý aktisi negizinde jarty million teńgeniń qarajaty qaitarylyp, bank shottarynan tyiym salýdy alyp tastaý qamtamasyz etilip, 27 tulǵanyń 1,2 mln teńge qarajatqa qol jetkizýine múmkindik berildi", - dep jazdy baqylaýshy organnan.
Qazirgi ýaqytta qala prokýratýrasy ýákiletti organmen birlesip, normativtik quqyqtyq aktilerge tiisti ózgerister engizý máselesin qarastyrýda.
