استانا قالاسىنىڭ پروكۋراتۋراسى جەكە سوت ورىنداۋشىلارىمەن مۇگەدەك رەتىندە الەۋمەتتىك جاردەماقى الۋشى 27 بورىشكەردىڭ بانك شوتتارىنا تىيىم سالىنعانىن انىقتادى.
قازاقستان رەسپۋبليكاسىنىڭ "تولەمدەر جانە تولەم جۇيەلەرى تۋرالى" زاڭىنا سايكەس، مەملەكەتتىك بيۋدجەتتەن جانە مەملەكەتتىك الەۋمەتتىك ساقتاندىرۋ قورىنان تولەنەتىن جاردەماقىلار مەن الەۋمەتتىك تولەمدەردى ەسەپكە الۋعا ارنالعان بانك شوتتارىنا تىيىم سالۋعا جول بەرىلمەيدى.
"پروكۋرورلىق قاداعالاۋ اكتىسى نەگىزىندە جارتى ميلليون تەڭگەنىڭ قاراجاتى قايتارىلىپ، بانك شوتتارىنان تىيىم سالۋدى الىپ تاستاۋ قامتاماسىز ەتىلىپ، 27 تۇلعانىڭ 1،2 ملن تەڭگە قاراجاتقا قول جەتكىزۋىنە مۇمكىندىك بەرىلدى"، - دەپ جازدى باقىلاۋشى ورگاننان.
قازىرگى ۋاقىتتا قالا پروكۋراتۋراسى ۋاكىلەتتى ورگانمەن بىرلەسىپ، نورماتيۆتىك قۇقىقتىق اكتىلەرگە ءتيىستى وزگەرىستەر ەنگىزۋ ماسەلەسىن قاراستىرۋدا.
