Astanada LRT jelisin Qosshy baǵytyna deiin uzartý jumystary bastaldy. Ekinshi kezeń aiasynda alǵashqy tirek quiylyp, alǵashqy qurama temirbeton daiyndalǵany belgili boldy. Bul týraly City Transportation Systems málimdedi, dep habarlaidy dalanews.kz.
Kompaniia málimetinshe, Astana men Qosshyny jalǵaityn jeli boiynsha alǵashqy tirekke beton quiý jumysy aiaqtalǵan. Sonymen qatar, elordadaǵy beton zaýytynda estakadalyq bóliktiń alǵashqy qurama temirbeton arqalyǵy óndirilgen.
Joba aiasynda Qosshy baǵyty boiynsha 300-den asa tirek ornatý, 538 qurama temirbeton arqalyqty jáne segiz monolitti arqalyqty montajdaý josparlanǵan. Mamandar bul joba elordanyń kólik infraqurylymyn damytýǵa serpin beretinin atap ótti.
Buǵan deiin Astana ákimi Jeńis Qasymbek LRT jobasynyń ekinshi kezeńi birneshe tarmaqtan turatynyn aitqan edi. Sonyń biri Syǵanaq kóshesi arqyly Turan dańǵylyna ótip, qalanyń eski bóligine, temirjol vokzalyna deiin jalǵasady. Al Qosshy baǵytyna baratyn alǵashqy bólikti shamamen bir jarym jyl ishinde aiaqtaý josparlanyp otyr.
