"Kúishiler alleiasy" mýzykalyq alleiasynyń tas memorialynda kórnekti kompozitorlardyń júzden astam esimderi jazylǵan.
Olardyń barlyǵy-qazaq halqynyń kúilerin shyǵarǵan jáne oryndaǵan talantty mýzykanttar. Eskertkish elordadaǵy dombyrashylardyń jańa alleiasyn bezendiredi. Qala turǵyndary úshin demalys orny Respýblika kúnine arnaiy daiyndaldy.
– Bul tastyń salmaǵy shamamen 12 tonna. Almatydan osynda alyp kelý, bul úlken eńbek boldy. Munda mármár tasqa 101 adamnyń esimi jazylǵan. Bul kúishiler, óner salasyndaǵy eńbegimen qazaq halqynyń qurmetine qol jetkizgen bizdiń atalarymyz, – deidi "Kúi anasy" respýblikalyq qorynyń basshysy Tólegen Qýanyshev.
Kúishilerdiń tizimin Qurmanǵazy atyndaǵy Almaty konservatoriiasynyń arnaiy ǵylymi toby qurdy. Ár mýzykanttyń ómirbaianyn, onyń qazaq mádenietine qosqan úlesin zerttedi. Qoǵam qairatkerleri mundai eskertkishter basqa qalalarda da ashylady dep ýáde berýde.
Memorial taqta kompozitor Dina Nurpeiisovanyń eskertkishine jaqyn jerde ornatyldy. "Kúishiler alleiasy" degen simvoldyq ataý berilgen bul alańda jaqyn arada mýzykalyq sýburqaq pen jazǵy amfiteatr ornatylady. Ideia boiynsha, alleia halyq óneriniń ortalyǵyna ainalýy kerek.
