Astanada munaraly kran qulap, saldarynan bir adam qaza tapty, taǵy eki adam jaraqat aldy. Oqiǵa búgin Qorǵaljyn tasjoly mańyndaǵy №100 mektepke jaqyn jerde salynyp jatqan ǵimarat aýmaǵynda bolǵan, dep habarlaidy dalanews.kz.
Densaýlyq saqtaý basqarmasy málimetinshe, jaraqat alǵan eki adam Ulttyq shuǵyl meditsinany úilestirý ortalyǵyna jetkizilgen.
Olardyń biriniń jaǵdaiy aýyr dep baǵalanyp otyr. Ekinshi adam statsionarda meditsinalyq kómek alyp jatyr.
Al bir adam oqiǵa ornynda kóz jumdy. Onyń súiegi politsiia qyzmetkerlerine tapsyryldy.
