Astanada «Jer kindigi – Qazyǵurt» kórkemóner kórmesi ótýde
Ońtústik Qazaqstan oblysynyń Astana qalasyndaǵy kúnderi aiasynda «Qazaqstan» ortalyq kontsert zalynyń foiesinde «Jer kindigi – Qazyǵurt» atty kóp salaly ǵylymi kórkemóner kórmesi ótýde. Elbasynyń «Bolashaqqa baǵdar: «Rýhani jańǵyrý» maqalasyn nasihattaýǵa arnalǵan sharanyń maqsaty - Astana qonaqtary men jurtshylyǵyn Ońtústiktiń tarihi shejiresimen shyǵarmalarymen tanystyrý.
Ońtústik óńiri tarihi-mádeni eskertkishterge toly aimaq. «Jer kindigi Qazyǵurt» kóp salaly ǵylymi kórkemóner kórmesinde 9 bólimnen turatyn tarihi shejireden syr shertetin belgili qylqalam ieleriniń shyǵarmalary, qolóner sheberleriniń jasaǵan buiymdary men tarihi fotosýretteri jáne oblys mýzeileriniń jádigerleri jurt nazaryna usynyldy.
Máselen, «Ońtústik tabiǵaty» buryshynda óńirdiń ásem tabiǵat kórinisterinen fotosýretter men keskindemelik jumystar, qazba bailyqtardyń úlgileri, Kentaýdaǵy taý-ken tarihy mýzei qorynan, Sairam, Ógem, Qarataý taýlarynyń, Aqsý – Jabaǵyly qoryǵynyń fotosýretteri, Kelinshek taý, Túlkibas, Qazyǵurt taýy jáne oblys tabiǵatyn beineleitin keskindemelik kartinalar ornalastyrylǵan. Al, «Kóneniń kózi – tarihtyń ózi» buryshynda kóne Otyrar kalasynan arheologiialyq qazba jumystary kezinde tabylǵan qysh qumyralar, kúmis teńgeler t.b. qundy jádigerler, Túrkistan Q.A. Iasaýi kesenesiniń maketi, ejelgi qalalardyń fotosýretteri, aerofotosýretter, taqyrypqa bailanysty keskindemelik kartinalar, qyshtan jasalǵan ydystar, monitordan beine film kórsetildi.
«Qol ónerim-ónegem atty buryshta qazaq halqynyń etnografiialyq kollektsiialary, aiaqqaptar, qorjyndar, shashaqbaýlar, basqurlar, zergerlik buiymdar, kádesyilyqtar men ulttyq buiymdar qoiylsa, «Tarihi mádeni eskertkishter» taqyrybynda Domalaq ana, Báidibek ata, Ysqaq baba, Baba Túkti shashty Áziz keseneleriniń fotosýretteri men maketteri, VIII- IX ǵ.ǵ. qysh ydystary ilindi. Sondai-aq kórmede «Qolóner buiymdaryn satý buryshy», «Kóne kitap álemi» – kitaptar beinelengen fotosýretter, kóne kitaptar, «Handyq dáýir» – handyq dáýirdi kórsetetin keskindemelik kartinalar, saýyt, qarý-jaraq, Han taǵy, Taiqazan, Laýha taǵy da basqa jádigerler jurt nazaryna usynyldy.
Oblystyq mádeniet basqarmasynyń basshysy Nurbolat Ahmetjanovtyń aitýynsha, kórmege kelýshilerdi ásirese, uly sazger – Shámshi Qaldaiaqovtyń, kúsh atasy – Qajymuqan Muńaitpasulynyń keskindemelik fotosýretteri men portretteri, olardyń jeke qoldanǵan zattary, medaldary, jarnama qaǵazdary tań-tamasha etken.
OQO ákiminiń baspasóz qyzmeti
