Basqarmasynyń basshysy aitýynsha jastar arasyndaǵy jumyssyzdyq deńgeii byltyrǵy osy kezeńmen salystyrǵanda 0,6% tómendedi, iaǵni 4,6% bolsa, qazirgi tańda 4% quraidy (2023 jylǵy II toqsan).
Búginde bas qalada jastardy jumyspen qamtý – ózekti máselelelerdiń biri desek bolady. Bul baǵytta ákimdikpen birneshe baǵdarlama iske asyrylýda.
Mysaly, jastarǵa arnalǵan «Jastar praktikasy», «Alǵashqy jumys orny», «Urpaqtar kelisimsharty» jobalary jastardy jumyspen qamtý isine aitarlyqtai septigin tigizýde.
– Ár toqsan saiyn jastarǵa arnalǵan bos oryndar jármeńkelerin ótkizemiz. Osy ýaqytqa deiin «Jastar» saraiynda, L.N.Gýmilev atyndaǵy EUÝ-da jáne Esil ýniversitetinde ótkizildi. Aldaǵy bos jumys oryndary jármeńkesi qazan aiynyń 24-ne josparlanǵan. Jaz mezgilinde 4200 jas «Jasyl el» jobasy aiasynda jumys istedi. Olardyń arasynda kópbalaly otbasylardan shyqqan balalar – 2648, tolyq emes otbasynan shyqqan balalar – 387, jetim balalar – 69, oqý ornynda esepte turǵan – 11, otbasynda bir múmkindigi shekteýlisi bar – 34 bala, – dedi basqarma basshysy.
Qairat Qambarov óz sózinde jumyspen qamtý máselesinde NEET sanatyndaǵy jastardy erekshe atap ótti. Iaǵni, NEET sanatyndaǵy jastar degenimiz – oqý oqymaityn, jumys istemeitin azamattar.
Olardyń úlesi II toqsan qorytyndysy boiynsha 6,1% nemese 25 myń adamdy quraǵan. Olardy áleýmettendirý maqsatynda «Jas jiger» jobasy uiymdastyrylady.
NEET sanatyndaǵy jastardy áleýmettendirý jáne olarǵa kómek kórsetý úshin ákimdik júieli jumystar júrgizýde. NEET sanatyndaǵy jastardy áleýmettendirý úshin jaýapty basqarma birqatar sharany iske asyryp jatyr. Bul rette basqarma qyzmetkerleri osy topqa jatatyn jastar arasynda memlekettik baǵdarlamalar týraly aqparattyq býkletter taratyyp, jumyssyz júrgen jastarǵa toqsan saiynǵy bos jumys oryndar jármeńkesinde túrli jumystar usynyp keledi.
– Osy ýaqytqa deiin olar «Jastar» saraiynda L.N. Gýmilev atyndaǵy EUÝ-da jáne Esil ýniversitetinde ótti. Kelesi Bos jumys oryndary jármeńkesi 24 qazanǵa josparlanǵan. «Freelance múmkindik» jobasy aiasynda targetolog, SMM, videograf, marketpleis, mobilograf, grafikalyq dizainer jáne veb-dizainer siiaqty tsifrlyq mamandyqtar oqytylady, – dedi Qairat Qambarov.
Kelesi jyly osy baǵyttaǵy jumysty kúsheitip, kóptegen jobalardy júzege asyrý josparlanyp otyr, dep qorytyndylady spiker.
Qairat Qambarov jastar arasynda mamandyqtaryn tanymal etý maqsatynda «Úzdik» jobasy iske asyrylýda. Bul ýaqytqa deiin «Úzdik tiginshi», «Úzdik aǵash ustasy» baiqaýlary boiynsha jeńimpazdar anyqtalǵan bolatyn. Aldaǵy ýaqytta basqa da mamandyqtar boiynsha baiqaýlar ótetin bolady.
– Jastarǵa qyzmet kórsetý ortalyqtary jáne «Barshaǵa múmkindik» modýldik pýnkteri bar. Bul pýnkterde elorda turǵyndary jumys jáne tsifrlyq daǵdylardy igerý boiynsha tegin keńes, sondai-aq memlekettik qoldaý sharalary men jumysqa ornalasý múmkindikteri týraly aqparat ala alady, «Freelance múmkindik» jobasyna jazylýǵa bolady. Joba elimizde úlken suranysqa ie tsifrlyq daǵdylarǵa oqytýdy usynady, – deidi basqarma basshysy
Sózin jalǵai otyryp, óz salasynda 6 jyldan astam kásibi tájiribesi bar, sonymen qatar Kaspi.kz, BI Group, Atameken, KazDream jáne t.b. jetekshi kompaniialarmen jumys istegen, tájiribeleri bar kýrs oqytýshylarymen kelisimshart jasalǵanyn da atap ótti.
– Sonymen qatar, kýrs stýdentteriniń BS Company, PR Agency, Mir keramiki, NV Clinic syndy kompaniialarda taǵylymdamadan ótý jáne jumysqa ornalastyrý múmkindigi qarastyrylǵan. Qazirgi tańda birinshi top oqýyn bastap ketti – 177 adam oqytylýda. Oqý aiaqtalǵannan keiin qatysýshylar sertifikattar alady, al olardyń kandidatýralary «JUMYS TAP» Telegram-botynda tegin jarnamalanatyn bolady. Bul sharalar «JOLTAP» jobasy aiasynda ótkizilýde jáne oqytý tolyqtai tegin ótedi, – dedi vedomstvo basshysy.
Sóz sońynda «Eńbek mobildiligi ortalyǵymen» birge jumys júieli túrde júrgizilip jatqany, sol siiaqty ary qarai da jalǵasyn tabatynyn jetkizdi.
