Búgin Briýsseldegi jumys sapary barysynda QR Mádeniet jáne aqparat ministri Aida Balaeva Euronews Direktorlar keńesiniń tóraǵasy Pedro Vargas Devidpen kezdesý ótkizdi.

Kezdesý barysynda taraptar Astanada Euronews Ortalyq Aziia habynyń ókildigin ashý týraly kelisimge qol qoidy.

Qazaqstan Ortalyq Aziia óńirinde sheshýshi ról atqara otyryp, memleket ómiriniń barlyq salalarynda aýqymdy ózgerister júrgizýde. Sondyqtan Astanada Euronews ókildiginiń ashylýynyń tarihi mańyzy zor.

«Biz úshin bul Qazaqstandy álemge qaita tanystyrýǵa keremet múmkindikter ashatyn mańyzdy oqiǵa. Qazaqstan – uly kóshpendiler órkenietiniń tikelei murageri ǵana emes eń bai mádeni jáne tarihi murasy, tamasha tabiǵaty, tanymal adamdary bar memleket . Qazaqstan - búginde Prezident Qasym-Jomart Toqaevtyń ozyq ideialary negizinde buryn-sońdy bolmaǵan ózgeristerimen qalyptasqan zamanaýi álemniń bir bóligi. Qazaqstan – órkenietti álemmen óziniń qaitalanbas rýhani-mádeni murasy jáne áleýmettik-ekonomikalyq áleýetin bólisýge ǵana emes, beibitshilik úshin jan júregin berýge daiyn memleket. Sondyqtan men Euronews komandasynyń Qazaqstan týraly búkil álemge elimizdiń júregi - ásem Astanadan habar taratatynyna óte qýanyshtymyn!» - dedi Aida Balaeva kezdesýde.

Euronews komandasy jaqyn arada qazaqtyń óneri, mádenieti men ómir salty týraly modern nomads teleshoýyn, eldegi iskerlik jáne ekonomikalyq oqiǵalardy, «Ortalyq Aziiadan shyqqan daýystardy» - óńirdiń belgili qairatkerlerimen suhbattardy, iri óńirlik is-sharalardy jáne oqytý treningterin ótkizýdi qamtityn «Shyǵys pen Batystyń bailanysy» baǵdarlamasyn, birqatar reportajdaryn kórsetýdi josparlap otyr jáne otandyq BAQ jáne baspasóz qyzmetkerleriniń biliktiligin arttyrý úshin sheberlik sabaqtaryn ótkizbek.

«Bul Qazaqstan úshin de, Euronews úshin de óte mańyzdy qadam. Men qazaqstandyq taraptan bul Astanada hab quratyn alǵashqy iri halyqaralyq jańalyqtar oiynshysy ekenin túsinemin. Bul eldiń álemge qanshalyqty ashyq ekenin kórsetedi. Euronews turǵysynan bizdiń shyǵysqa qarai qanat jaiýymyz . Qazaqstan Eýraziia qurlyǵynyń ortalyǵy jáne bizdiń Eýropa elderinde ǵana emes, kontinentten tys jerlerde bar ekenimizdi kórsetedi. Biz búkil álem boiynsha 1,2 milliard kórermenderi bar arnamyz , sondai-aq Ortalyq Aziiada shyǵýymyz kópten beri josparlanǵan bolatyn», - dep atap ótti Euronews Direktorlar keńesiniń tóraǵasy Pedro Vargas Devid.

Euronews aǵymdaǵy jyldyń qyrkúiek aiynda Astanada ótetin, aýqymdy halyqaralyq oqiǵa bolatyn Dúniejúzilik kóshpendiler oiyndaryynyń aqparattyq seriktesi bolý týraly bastama kóterdi.

QR Mádeniet jáne aqparat ministrliginiń baspasóz qyzmeti