Astanada erekshe bilim berý qajettilikteri bar oqýshylardyń quqyqtary buzylǵany anyqtaldy, dep habarlaidy DalaNews.kz
Qalalyq prokýratýra málimetinshe, bir top oqýshy arnaiy jaǵdai jasalmastan jáne defektolog, logoped, pedagog-psiholog siiaqty mamandardyń qatysýynsyz jalpy synyptarda oqytylǵan.
Bul zańbuzýshylyq balalardy jeke erekshelikterine sai bilim alý múmkindiginen aiyrǵan.
Astana qalalyq prokýratýrasynyń aralasýynan keiin mektepterdiń birinde zań talaptaryna sai jabdyqtalǵan arnaiy (túzetý) synyby ashylyp, qajetti mamandarmen qamtamasyz etildi.
Qabyldanǵan sharalar oqýshylardyń buzylǵan quqyqtaryn qalpyna keltirýge jáne olardyń tolyqqandy bilim alýyna múmkindik berdi.
Prokýratýra erekshe bilim berý qajettilikteri bar balalardyń quqyqtaryn qorǵaý baǵytyndaǵy jumystar jalǵasatynyn atap ótti.
