Astanada Konstitýtsiialyq reforma jónindegi komissiianyń jumysy qorytyndylanyp, diplomatiialyq korpýs ókilderine brifing ótti, dep habarlaidy Dalanews.kz.
Sharaǵa Qazaqstanda akkredittelgen 80-ge jýyq elshilik pen halyqaralyq uiym basshylary qatysty. Kezdesý barysynda jańa Konstitýtsiia jobasynyń negizgi jańashyldyqtary tanystyryldy.
Aita keteiik, Prezident 2026 jylǵy 15 naýryzda jańa Konstitýtsiia jobasy boiynsha respýblikalyq referendým ótkizý týraly Jarlyqqa qol qoiǵan. Joba Konstitýtsiialyq komissiia men parlamenttik jumys tobynyń birneshe ailyq jumysynyń nátijesinde ázirlendi. Komissiia otyrystary onlain formatta ótip, shamamen 1 million qaralym jinaǵan. Azamattardan 12 myńǵa jýyq usynys túsken.
Brifingte atap ótilgendei, jańa Konstitýtsiiada adam quqyqtary men bostandyqtary basty qundylyq retinde aiqyndalady. Menshikke, turǵyn úige qol suǵylmaýshylyqqa, jeke ómir men derbes derekterdi qorǵaýǵa qatysty kepildikter kúsheitiledi. Memlekettiń zańsyz áreketteri úshin konstitýtsiialyq jaýapkershiligi engiziledi.
Komissiia tóraǵasy Elvira Azimova referendým qazaqstandyqtar úshin eldiń damý baǵytyn aiqyndaityn mańyzdy kún bolatynyn aitty.
Joba sondai-aq bir palataly Quryltai modeline kóshýdi jáne zań shyǵarý bastamasy quqyǵy bar Halyq Keńesin qurýdy kózdeidi. Halyqaralyq sharttar eldiń quqyqtyq júiesiniń quramdas bóligi retinde saqtalady.
Diplomatiialyq korpýs ókilderi usynylǵan aqparattyń ashyq ári mazmundy bolǵanyn atap ótti.
