Elordada eski turǵyn úılerdi jańartý baǵdarlamasy aıasynda apatty úılerdi buzý jáne elorda turǵyndaryn jańa turǵyn úıge kóshirý máselesi qarastyrylǵan. 2024 jyly 60 apatty úıdiń turǵyndary 1400 páterge kóshedi, osylaısha shamamen 4200 adam turǵyn úımen qamtamasyz etiledi, dep habarlaıdy elorda ákimdiginiń resmı saıty.

2013 jyldan bastap elordada 286 apatty úıdiń turǵyndary qonys aýdardy. Osylaısha 4500-den astam otbasy jańa abattandyrylǵan páterlerge ıe boldy.

Astanada 2023-2029 jyldarǵa arnalǵan turǵyn úı qoryn jańartý jobasy aıasynda 206 apatty úıdiń turǵyndary 4 710 páterge kóshiriledi.

Turǵyn úı qoryn jańartý turǵyn úıdi jáne úı ornalasqan jer ýchaskesin rekvızısıalaý tártibimen avarıalyq (eskirgen) turǵyn úıdi buzý jáne odan azamattardy kóshirý jolymen qalanyń «eski» kvartaldaryn keshendi rekonstrýksıalaýdy kózdeıdi.

Jobanyń sharttary boıynsha avarıalyq úılerdiń turǵyndaryna quqyq belgileıtin qujattarǵa sáıkes bólmeler sanyna jáne adam sanyna qaramastan, aýdany boıynsha birdeı mólsherde (ıaǵnı «sharshy metr» - «sharshy metr»), biraq keminde bir bólmeli jańa páterler beriledi.

Memleket basshysynyń tapsyrmasy boıynsha turǵyn úı jaǵdaılaryn jaqsartý úshin TK jóndeý, lıfterdi aýystyrý, jeńildetilgen áleýmettik turǵyn úı salý, uzaqqa sozylǵan qurylystardy aıaqtaý boıynsha jumystar júrgizilýde.

Osy baǵyt boıynsha jumystar josparly túrde júrip jatyr.