Astanada birneshe ai boiy burynǵy súiiktisin ańdyǵan er adamǵa úkim shyqty, dep habarlaidy Dala News.
Qala prokýratýrasynyń málimetinshe, sot ony kináli dep tanyp, 100 saǵat qoǵamdyq jumysqa tartý jazasyn taǵaiyndady. Sonymen qatar oǵan jábirlenýshini izdeýge, qýdalaýǵa jáne onymen bailanys ornatýǵa tyiym salyndy.
Is materialdaryna sáikes, er adam 2025 jyldyń qyrkúieginen 2026 jyldyń aqpanyna deiin burynǵy qyzyn júieli túrde mazalaǵan. Ol 150-den astam ret qońyraý shalyp, agressivti habarlamalar jibergen.
Budan bólek, aiyptalýshy jábirlenýshiniń jumys ornyna baryp, janjal shyǵaryp, múlikke ziian keltirgen. Sondai-aq áielge jáne onyń otbasy múshelerine qorqytý sózder aitqan.
Nátijesinde jábirlenýshi uzaq ýaqyt boiy qorqynyshta ómir súrgeni anyqtaldy.
Sot sheshimimen sottalǵan azamattan 392 myń teńge kóleminde materialdyq shyǵyn jáne 150 myń teńge moraldyq ótemaqy óndirildi.
