استانادا بىرنەشە اي بويى بۇرىنعى سۇيىكتىسىن اڭدىعان ەر ادامعا ۇكىم شىقتى، دەپ حابارلايدى Dala News.
قالا پروكۋراتۋراسىنىڭ مالىمەتىنشە، سوت ونى كىنالى دەپ تانىپ، 100 ساعات قوعامدىق جۇمىسقا تارتۋ جازاسىن تاعايىندادى. سونىمەن قاتار وعان جابىرلەنۋشىنى ىزدەۋگە، قۋدالاۋعا جانە ونىمەن بايلانىس ورناتۋعا تىيىم سالىندى.
ءىس ماتەريالدارىنا سايكەس، ەر ادام 2025 جىلدىڭ قىركۇيەگىنەن 2026 جىلدىڭ اقپانىنا دەيىن بۇرىنعى قىزىن جۇيەلى تۇردە مازالاعان. ول 150-دەن استام رەت قوڭىراۋ شالىپ، اگرەسسيۆتى حابارلامالار جىبەرگەن.
بۇدان بولەك، ايىپتالۋشى جابىرلەنۋشىنىڭ جۇمىس ورنىنا بارىپ، جانجال شىعارىپ، مۇلىككە زيان كەلتىرگەن. سونداي-اق ايەلگە جانە ونىڭ وتباسى مۇشەلەرىنە قورقىتۋ سوزدەر ايتقان.
ناتيجەسىندە جابىرلەنۋشى ۇزاق ۋاقىت بويى قورقىنىشتا ءومىر سۇرگەنى انىقتالدى.
سوت شەشىمىمەن سوتتالعان ازاماتتان 392 مىڭ تەڭگە كولەمىندە ماتەريالدىق شىعىن جانە 150 مىڭ تەڭگە مورالدىق وتەماقى ءوندىرىلدى.
