Tanymal opera ánshisi Maira Muhamedqyzyna Qytaidyń Sian qalasyndaǵy konservatoriia professor ataǵyn tabystady, dep habarlaidy Dalanews.kz.
“Bul konservatoriiada 6000 bolashaq mýzykanttar óz mamandyǵy boiynsha oqidy. Konservatoriiaǵa túsý baqyty – sol adamnyń mańdaiyna qonatyn baq. Ásirese, bul bilim ordasynda professor bolý degen… sózben jetkize almaimyn”, – dep jazdy óner iesi.
Alaida ánshi óz elindegi eńbegi eskerýsiz qalǵanyn da jasyrmady.
“11 jyl buryn Qyrǵyz ulttyq konservatoriiasynyń professory atanǵanmyn. Al bizdiń Astanadaǵy "Shabyt" ulttyq konservatoriiasynda qansha jyl jumys istep, shákirtterim halyqaralyq konkýrstarda 1-oryn alsa da, bir japyraq alǵys hatqa jarymadyq. Biraq, shúkir! Halyqtyń mahabbatynan artyq ne kerek dep júre berdik”, – dep bólisti ol.
