Astanada Saraishyq aýdany Bólekpaev kóshesinde ornalasqan bes qabatty turǵyn úiden órt shyqty, dep habarlaidy Dalanews.kz.
Tótenshe jaǵdailar ministrliginiń dereginshe, bul órt joǵary deńgeidegi kúrdeli shaqyrtý retinde tirkelgen. Oqiǵa ornyna órt sóndirýshiler jetkenshe ǵimarat ishin qoiý qara tútin basqan.
Qutqarýshylar dereý barlaý jumystaryn júrgizgen.
Aldyn ala málimet boiynsha, 112 qyzmetine zardap shekkender týraly aqparat túspegen. Órt sóndirýshiler kelgenge deiin ǵimarattan shamamen 150 adam óz betterinshe syrtqa shyqqan.
Qazirgi ýaqytta jaǵdai baqylaýda. Mamandar órtti sóndirý jáne úi ishin tolyq tekserý jumystaryn jalǵastyryp jatyr.
