Qazaqstan fýtbol federatsiiasy 10 tamyzda Astanadaǵy fýtbol alańynda bolǵan oqiǵaǵa qatysty málimdeme jasady. Saldarynan bala zardap shekken edi, dep habarlaidy dalanews.kz.
Aldyn ala málimet boiynsha jattyǵý kezinde fýtbol qaqpasy balanyń ústine qulaǵan. Zardap shekken bala meditsinalyq mekemege jetkizilip, qazir oǵan kómek kórsetilip jatyr.
"QFF balaǵa jáne onyń otbasyna qoldaý bildiredi. Oqiǵa bolǵan fýtbol alańyn Qazaqstan fýtbol federatsiiasy jeke fýtbol mektebine jattyǵý jiyndaryn ótkizý úshin jalǵa bergen", - dep jazylǵan habarlamada.
Qazir QFF oqiǵanyń barlyq mán-jaiyn anyqtap, nysan men qural-jabdyqtardyń tehnikalyq jaǵdaiyna ishki tekseris júrgizip jatyr.
