2024 jylǵy 27 qyrkúieginde Astanada, Atyraý kópirinde Qazaqstannyń atom salasy qyzmetkeri kúnine orai uiymdastyrylǵan fotokórme jumysyn bastady. Kórmeni Qazaqstan Respýblikasy Energetika ministrligi uiymdastyrdy, dep habarlaidy Dalanews.kz.
Fotokórmede kópshilik nazaryna elimizdiń atom ónerkásibindegi negizgi kásiporyndardaǵy mamandardyń kúndelikti jumysy týraly syr shertetin biregei kadrlar usynylǵan. Ekspozitsiiada "Ulttyq iadrolyq ortalyq" RMK, Iadrolyq fizika institýty RMK, "MAEK" JShS jáne "Qazatomónerkásip" UAK" AQ jumyskerleriniń, sondai-aq iadrolyq qondyrǵylar men saladaǵy biregei tarihi sátterdiń fotosýretteri qoiylǵan. Qazirgi ýaqytta Qazaqstannyń atom ónerkásibinde 17 myńnan astam adam jumys isteidi, kórmede olardyń eńbekteri men salanyń damýyna qosqan úlesine tiisti qurmet kórsetiledi.
"Atom salasy qyzmetkerleriniń kúni osy salada eńbek etetin adamdardyń basty kásibi merekesi bolyp tabylady. Bul kórme jumysymyzdyń nátijesin kórsetip, elimizdiń igiligi úshin kún saiyn eńbek etip júrgen jandarǵa qurmet kórsetýge degen múmkindik. Biz atom ónerkásibiniń damýyna úles qosa alatynymyzdy maqtan tutamyz jáne jyl ótken saiyn salamyzdyń nyǵaia túsetinine senimdimiz", - dedi QR EM Atom energetikasy jáne ónerkásip departamentiniń direktory Ǵumar Serǵazin.
Fotokórme atom salasy qyzmetkerlerine izgilik kórsetýge arnalǵan. Kórme barlyǵyna ashyq jáne 29 qyrkúiekke deiin jalǵasady.
Qazaqstan Respýblikasy Energetika ministrligi elimizdiń atom ónerkásibiniń qalyptasýy men damýyna qosqan úlesteri úshin barlyq qyzmetkerlerge alǵysyn bildiredi jáne azamattardy osy sala qyzmetkerleriniń jumysymen jaqynyraq tanysý úshin kórmeni tamashalaýǵa shaqyrady.
