Astanada alaıaq Vetnamǵa joq áýe bıletterin satqan, dep habarlaıdy Dalanews.kz.

Astanalyq turǵynnyń alaıaqtyq áreketteri saldarynan 70-ten astam azamat Vetnamǵa demalysqa bara almaı qaldy. Olardyń týrısik joldamalary joıylyp, jábirlenýshiler aıtarlyqtaı qarjylyq shyǵynǵa ushyraǵan.

Kináli tulǵa áýe bıletterin naryqtaǵydan tómen baǵamen usynyp, klıentterine olardy arnaıy baılanys arqyly satyp alatynyna sendirgen. Alaıda, ol shynaıy bıletterdiń ornyna jalǵan marshrýttyq túbirtekterdi bergen. Týrıser áýe bıletterge tapsyrys joq ekenin ushar aldynda, áýejaıda bir-aq bilgen.

Zardap shekkender arasynda eresekter de, balalar da bar. Jalpy materıaldyq shyǵyn 17 mln teńgeden asty. Adamdar tek aqshalarynan ǵana emes, kópten kútken demalystarynan da aıyryldy – tólengen qonaqúıler, ekskýrsıalar jáne basqa da shyǵyndar ótelmegen.

Alaıaq áıel 3 jyl 6 aıǵa bas bostandyǵynan aıyrý jazasyna sottaldy.

Keltirilgen materıaldyq shyǵyn sottalǵannan óndirildi.

Astana qalasy Nura aýdanynyń prokýratýrasy týrısik qyzmetter alý úshin tólem jasamas buryn qujattardy muqıat tekserýdiń qajettigin eskertedi.