Astanada adam urlaý jáne óz betinshe bilik etý isi boiynsha Ortalyq Aziia elderiniń biriniń alty azamatyna úkim shyqty, dep habarlaidy dalanews.kz.
Vedomstvo málimetinshe, Astana qalasynyń qylmystyq ister jónindegi aýdanaralyq sotynyń úkimimen bes adam aldyn ala sóz bailasý arqyly paidakúnemdik maqsatta adam urlaǵany úshin 8 jylǵa bas bostandyǵynan aiyryldy. Al top músheleriniń biri adam urlaýǵa kómekteskeni jáne óz betinshe bilik etkeni úshin 7 jyl 6 ai merzimge sottaldy.
Tergeý derekterine sáikes, 2024 jylǵy 9 jeltoqsanda kúdiktilerdiń biri kórsetilmegen qyzmet úshin aqsha talap etip, jábirlenýshige kúsh qoldanǵan. Sonyń saldarynan jábirlenýshi 80 myń teńge aýdarýǵa májbúr bolǵan.
Keiin qaskóiler aldyn ala kelisip, paidakúnemdik maqsatta kúsh qoldanyp, jábirlenýshini Astana aýmaǵynda urlap áketken.
Prokýratýra sot protsesi barysynda memlekettik aiyptaýshy aiyptalýshylardyń kinásin tolyq dáleldeitin jetkilikti aiǵaqtar usynǵanyn atap ótti.
Vedomstvonyń málimetinshe, Qazaqstan zańnamasyna sáikes adam urlaǵany úshin 15 jylǵa deiin, al óz betinshe bilik etkeni úshin 7 jylǵa deiin bas bostandyǵynan aiyrý jazasy qarastyrylǵan.
