Tabiǵi monopoliialardy retteý departamenti kommýnaldyq tarifterdi kóterýge bailanysty ótinimderdi qarastyryp jatyr, dep habarlaidy Dalanews.kz
Qazir elimizde kommýnaldyq tarifterdi kóterýge moratorii qoldanylady, ol 2026 jyldyń sáýir aiynda aiaqtalady.
Kazinform.kz taratqan aqparatqa sáikes, bul shekteýler kelesi jyldyń qańtarynda ózgertiletin tarifterge de áser etpekshi: olardyń qoldanylýy arnaiy buiryqpen 2026 jyldyń I toqsanynyń sońyna deiin toqtatyldy.
"Mysaly, 2026 jyldyń 1 qańtarynan bastap josparly ósim bar. Biraq men I toqsannan keiin qandai tariftiń ózgeretinin naqty aita almaimyn. Qazir barlyq ótinishter men buiryqtar qaralýda", - dedi Jandos Sálimov.
Onyń aitýynsha, sheshim qabyldaý kezinde mamandar infliatsiiany, indeksteýdi jáne basqa da ekonomikalyq faktorlardy eskeredi. Buǵan deiin Sý resýrstary ministrligi tutynýshylarǵa quny 177 mln teńgeden astam sýarmaly sýdy qaitaratyny belgili boldy. Vedomstvo ótken jyly investitsiialyq baǵdarlamalardy oryndamaǵany úshin tarifterdi tómendetýge 18 kompaniiany mindettedi. Ýaqytsha ótemaqy baǵalary bir jylǵa jaramdy bolady.
