تابيعي مونوپوليالاردى رەتتەۋ دەپارتامەنتى كوممۋنالدىق تاريفتەردى كوتەرۋگە بايلانىستى وتىنىمدەردى قاراستىرىپ جاتىر، دەپ حابارلايدى Dalanews.kz
ءقازىر ەلىمىزدە كوممۋنالدىق تاريفتەردى كوتەرۋگە موراتوريي قولدانىلادى، ول 2026 جىلدىڭ ءساۋىر ايىندا اياقتالادى.
Kazinform.kz تاراتقان اقپاراتقا سايكەس، بۇل شەكتەۋلەر كەلەسى جىلدىڭ قاڭتارىندا وزگەرتىلەتىن تاريفتەرگە دە اسەر ەتپەكشى: ولاردىڭ قولدانىلۋى ارنايى بۇيرىقپەن 2026 جىلدىڭ I توقسانىنىڭ سوڭىنا دەيىن توقتاتىلدى.
"مىسالى، 2026 جىلدىڭ 1 قاڭتارىنان باستاپ جوسپارلى ءوسىم بار. ءبىراق مەن I توقساننان كەيىن قانداي ءتاريفتىڭ وزگەرەتىنىن ناقتى ايتا المايمىن. ءقازىر بارلىق وتىنىشتەر مەن بۇيرىقتار قارالۋدا"، - دەدى جاندوس ءسالىموۆ.
ونىڭ ايتۋىنشا، شەشىم قابىلداۋ كەزىندە ماماندار ينفلياسيانى، يندەكستەۋدى جانە باسقا دا ەكونوميكالىق فاكتورلاردى ەسكەرەدى. بۇعان دەيىن سۋ رەسۋرستارى مينيسترلىگى تۇتىنۋشىلارعا قۇنى 177 ملن تەڭگەدەن استام سۋارمالى سۋدى قايتاراتىنى بەلگىلى بولدى. ۆەدومستۆو وتكەن جىلى ينۆەستيسيالىق باعدارلامالاردى ورىنداماعانى ءۇشىن تاريفتەردى تومەندەتۋگە 18 كومپانيانى مىندەتتەدى. ۋاقىتشا وتەماقى باعالارى ءبىر جىلعا جارامدى بولادى.
