Astana – Temirtaý avtojolynda bolǵan jol-kólik oqiǵalaryn jasandy intellektpen jabdyqtalǵan kameralar tirkedi, dep habarlaidy dalanews.kz.
Aldyn ala málimet boiynsha, júrgizýshiler joldaǵy jaǵdaiǵa der kezinde nazar aýdarmai, aldaryndaǵy kólikterge is júzinde tejegish baspastan soqtyǵysqan. «QazAvtoJoldyń» habarlaýynsha, júrgizýshilerdiń nazaryn joǵaltýyna uiqyshyldyq, sharshaý nemese smartfonǵa alańdaý sebep bolýy múmkin.
«Jol-kólik oqiǵalarynyń naqty mán-jaiyn quzyrly organdar anyqtap jatyr. Tirkelgen apattar saldarynan qaza tapqandar joq», – dep málimdedi kompaniia ókilderi.
Qazirgi ýaqytta oqiǵaǵa qatysty tekserý júrgizilip, apattyń barlyq sebepteri anyqtalýda. Mamandar júrgizýshilerge uzaq jolǵa shyǵar aldynda jaqsylap tynyǵyp, kólik tizgininde telefon qoldanbaýǵa jáne jol jaǵdaiyn muqiiat baqylaýǵa keńes beredi.
