Qarjy monitoringi agenttigi qylmystyq jolmen alynǵan 358 million teńgeden asa qarajatqa satyp alynǵan jyljymaityn múlikti memleket kirisine tárkiledi, dep habarlaidy Dalanews.kz.
QMA Shymkent boiynsha departamenti óńirdiń laýazymdy tulǵalaryna jáne "Qýatjylýortalyq-3" MKK-ǵa qatysty smetalyq qunyn arttyrý, sondai-aq naqty oryndalmaǵan jumystar úshin aqy tóleý arqyly qaladaǵy jylý jelileri men elektr berý jelilerine biyl jóndeý júrgizýge bólingen 1,1 milliard teńgeden asa biýdjet qarajatyn jymqyrý deregi boiynsha sotaldy tergeýdi aiaqtady.
"Sonymen qatar kúdiktiler laýazymdy adamdar urlanǵan qarajatty jylystatý úshin "qolma-qol aqsha jasaýshylar" tobyn tartty. Olar 7 paiyz mólsherinde aqshalai syiaqy úshin bógde tulǵalarǵa rásimdelgen 24 kúmándi kásiporyn arqyly taýarlardy jetkizý jáne qyzmet kórsetý jónindegi mámileler týraly jalǵan qujattar (shot-faktýralar, júkqujattar, oryndalǵan jumys aktileri, sharttar) usyndy", - delingen habarlamada.
Parallel qarjylyq tergeý sheńberinde qylmystyq jolmen alynǵan qarajatqa satyp alynǵan jyljymaityn múlikter, atap aitqanda, Shymkent jáne Astanadaǵy 2 páter, 1 turaq orny, Shymkent qalasyndaǵy 3 jeke úi jáne bank shottaryndaǵy tyiym salynǵan 50 million teńge anyqtalyp, tárkileý maqsatynda sot sanktsiiasymen tyiym salynǵan.
Sot úkimi boiynsha, barlyq jeti aiyptalýshy 2 jyldan 7,5 jylǵa deiin bas bostandyqtarynan aiyryldy.
