قما شىمكەنت بويىنشا دەپارتامەنتى ءوڭىردىڭ لاۋازىمدى تۇلعالارىنا جانە "قۋاتجىلۋورتالىق-3" مكك-عا قاتىستى سمەتالىق قۇنىن ارتتىرۋ، سونداي-اق ناقتى ورىندالماعان جۇمىستار ءۇشىن اقى تولەۋ ارقىلى قالاداعى جىلۋ جەلىلەرى مەن ەلەكتر بەرۋ جەلىلەرىنە بيىل جوندەۋ جۇرگىزۋگە بولىنگەن 1،1 ميلليارد تەڭگەدەن اسا بيۋدجەت قاراجاتىن جىمقىرۋ دەرەگى بويىنشا سوتالدى تەرگەۋدى اياقتادى.

"سونىمەن قاتار كۇدىكتىلەر لاۋازىمدى ادامدار ۇرلانعان قاراجاتتى جىلىستاتۋ ءۇشىن "قولما-قول اقشا جاساۋشىلار" توبىن تارتتى. ولار 7 پايىز مولشەرىندە اقشالاي سىياقى ءۇشىن بوگدە تۇلعالارعا راسىمدەلگەن 24 كۇماندى كاسىپورىن ارقىلى تاۋارلاردى جەتكىزۋ جانە قىزمەت كورسەتۋ جونىندەگى مامىلەلەر تۋرالى جالعان قۇجاتتار (شوت-فاكتۋرالار، جۇكقۇجاتتار، ورىندالعان جۇمىس اكتىلەرى، شارتتار) ۇسىندى"، - دەلىنگەن حابارلامادا.

پاراللەل قارجىلىق تەرگەۋ شەڭبەرىندە قىلمىستىق جولمەن الىنعان قاراجاتقا ساتىپ الىنعان جىلجىمايتىن مۇلىكتەر، اتاپ ايتقاندا، شىمكەنت جانە استاناداعى 2 پاتەر، 1 تۇراق ورنى، شىمكەنت قالاسىنداعى 3 جەكە ءۇي جانە بانك شوتتارىنداعى تىيىم سالىنعان 50 ميلليون تەڭگە انىقتالىپ، تاركىلەۋ ماقساتىندا سوت سانكسياسىمەن تىيىم سالىنعان.

سوت ۇكىمى بويىنشا، بارلىق جەتى ايىپتالۋشى 2 جىلدان 7،5 جىلعا دەيىن باس بوستاندىقتارىنان ايىرىلدى.