LRT boiynsha memleket aldyndaǵy qaryz óteldi. Bul týraly Bas prokýratýra málimdedi, – dep habarlaidy Dalanews.kz.
Elorda prokýratýrasy memleket, onyń ishinde jalǵyz quryltaishysy Astana qalasynyń ákimdigi canalatyn City Transportation Systems JShS-niń (burynǵy "Astana LRT" kompaniiasynyń) paidasyna qatysty sot aktileri oryndalýyna taldaý júrgizdi.
Qadaǵalaý sharalarymen boryshkerler memleket balansyna jalpy 40 jyljymaityn múlikti bergen, onyń ishinde mynadai múlikter bar:
- 39 turǵyn emes úi-jai;
- 12,8 gektar temir joldary bar jer ýchaskesi.
"Qaitarylǵan aktivterdiń jalpy quny 920 mln teńge bolady. Memlekettiń paidasyna quny 615 mln teńge turatyn taǵy 37 múlik óndirilip jatyr. Bul baǵyttaǵy jumystar jalǵasyp jatyr", - dep jazylǵan habarlamada.
Buǵan deiin Bas prokýrordyń orynbasary Áset Shyndaliev Astanadaǵy LRT qurylysy kezinde qarjy jymqyrdy degen aiyppen sottalǵandardy quqyq qorǵaý organdary nege Qazaqstanǵa qaitara almaitynyn túsindirýge tyrysty.
Sonymen qatar, sheneýniktiń málimetinshe, Interpol «Astana LRT» jaýapkershiligi shekteýli seriktestiginiń burynǵy basqarma tóraǵasy Talǵat Ardan men Astana ákiminiń burynǵy orynbasary Qanat Sultanbekovti izdestirip jatyr.
