LRT بويىنشا مەملەكەت الدىنداعى قارىز ٶتەلدٸ. بۇل تۋرالى باس پروكۋراتۋرا مەلٸمدەدٸ, – دەپ حابارلايدى Dalanews.kz.
ەلوردا پروكۋراتۋراسى مەملەكەت, ونىڭ ٸشٸندە جالعىز قۇرىلتايشىسى استانا قالاسىنىڭ ەكٸمدٸگٸ cانالاتىن City Transportation Systems جشس-نٸڭ (بۇرىنعى "Astana LRT" كومپانيياسىنىڭ) پايداسىنا قاتىستى سوت اكتٸلەرٸ ورىندالۋىنا تالداۋ جٷرگٸزدٸ.
قاداعالاۋ شارالارىمەن بورىشكەرلەر مەملەكەت بالانسىنا جالپى 40 جىلجىمايتىن مٷلٸكتٸ بەرگەن, ونىڭ ٸشٸندە مىناداي مٷلٸكتەر بار:
- 39 تۇرعىن ەمەس ٷي-جاي;
- 12,8 گەكتار تەمٸر جولدارى بار جەر ۋچاسكەسٸ.
"قايتارىلعان اكتيۆتەردٸڭ جالپى قۇنى 920 ملن تەڭگە بولادى. مەملەكەتتٸڭ پايداسىنا قۇنى 615 ملن تەڭگە تۇراتىن تاعى 37 مٷلٸك ٶندٸرٸلٸپ جاتىر. بۇل باعىتتاعى جۇمىستار جالعاسىپ جاتىر", - دەپ جازىلعان حابارلامادا.
بۇعان دەيٸن باس پروكۋروردىڭ ورىنباسارى ەسەت شىنداليەۆ استاناداعى LRT قۇرىلىسى كەزٸندە قارجى جىمقىردى دەگەن ايىپپەن سوتتالعانداردى قۇقىق قورعاۋ ورگاندارى نەگە قازاقستانعا قايتارا المايتىنىن تٷسٸندٸرۋگە تىرىستى.
سونىمەن قاتار, شەنەۋنٸكتٸڭ مەلٸمەتٸنشە, ينتەرپول «استانا LRT» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ بۇرىنعى باسقارما تٶراعاسى تالعات اردان مەن استانا ەكٸمٸنٸڭ بۇرىنعى ورىنباسارى قانات سۇلتانبەكوۆتٸ ٸزدەستٸرٸپ جاتىر.
