Álemde tehnologıanyń damýyna baılanysty daıarlaýǵa qoıylatyn talaptar progresıvti túrde ózgerip keledi. Osyǵan saı bıyl Astana qalasyndaǵy  Qurylys-tehnıkalyq kolejinde «Jyljymaıtyn múlikti basqarý», Servıs jáne týrızm kolejinde «Landshafty dızaın» jáne «Florıstıka» baǵyttary boıynsha jańa mamandyqtar ashyldy, – dep habarlaıdy Dalanews.kz.

Suranysqa ıe kadrlardy daıarlaý maqsatynda mamandarǵa qajettiliktiń óńirlik kartasy – qalanyń jańa kásipteriniń atlasy ázirlendi.

Mamandar qalanyń eńbek naryǵynda aldaǵy 3-5 jylda saýda, qurylys jáne bilim berý salasyndaǵy mamandyqtar suranysqa ıe bolyp qala beretinin aıtýda.

Sonymen qatar aldaǵy ýaqytta elordada týrısik sáýletshi, avtomobıl dızaıneri jáne jóndeýshi, elektr jáne gıbrıdti avtomobılderge qyzmet kórsetý mamany, vırtýalnyı merchendaızer sıaqty mamandar paıda bola bastaýy múmkin.

Pılottyq joba aıasynda bıyl elordalyq úsh kolejde alǵash ret 10-11 synyp oqýshylary úshin jumysshy mamandyqtary boıynsha eksperımenttik bilim berý baǵdarlamalary engizildi.

1,5 jyldan keıin oqýshylar orta bilim týraly atestatpen birge, tiginshi, aspaz, avto-gaz dánekerleýshi mamandyǵy boıynsha dıplom alyp shyǵady.