Sybailas jemqorlyqqa qarsy qyzmettiń resmi ókili Daniiar Bigaidarov «Astana Banki» basshylyǵyna qatysty is boiynsha jańa málimetterdi jariia etti, dep habarlaidy Dalanews.kz.
2025 jylǵy 22 sáýirde Astana qalasynyń qylmystyq ister jónindegi aýdanaralyq soty «Astana Banki» AQ-nyń burynǵy direktorlar keńesiniń tóraǵasy ári negizgi aktsioneri Oljas Toqtarovqa qatysty úkim shyǵarǵan.
«Sot Toqtarovty agenttik qyzmet kórsetý túrinde bankten qarjy jymqyrý jáne bankrot bolýǵa jaqyn kezeńde Almaty qalasyndaǵy biznes-ortalyqty óz baqylaýyndaǵy kompaniialarǵa zańsyz ótkizý derekteri boiynsha kináli dep tanydy», – dedi Bigaidarov Antikorda ótken brifingte.
Onyń málimetinshe, Toqtarov syrttai 10 jylǵa bas bostandyǵynan aiyrylyp, jalpy somasy 14 milliard teńgeden asatyn múlikteri tárkilendi. Olardyń qatarynda:
turǵyn úi,
ákimshilik jáne óndiristik ǵimarattar,
qurylys nysandary,
jer telimderi,
baǵaly qaǵazdar men kriptovaliýta bar.
Eske salaiyq, 2024 jyldyń qyrkúieginde Sybailas jemqorlyqqa qarsy qyzmet «Astana Banki» burynǵy aktsioneri Oljas Toqtarovty tergeýge shaqyrǵan bolatyn.
26 qyrkúiekke Astana qalasyndaǵy Antikor ǵimaratyna kelýi talap etilgen. Alaida elden shyǵyp ketken Toqtarov tergeýge kelmegen.
