Astana halyqaralyq áýejaiynda keden qyzmetkerleri deklaratsiialanbaǵan 223 dana iPhone 18 smartfony men 10 jup AirPods qulaqqabyn anyqtady, dep habarlaidy dalanews.kz.
Málimetke sáikes, mundai zańbuzýshylyqtyń 10 faktisi tirkelgen. Jolaýshylar tehnikany júkke salyp, deklaratsiialanatyn taýary joq adamdarǵa arnalǵan «jasyl dáliz» arqyly ótýge áreket jasaǵan. Olardyń biriniń júginen birden 50 smartfon tabylǵan.
Qoldanystaǵy erejege sai, bir adam jeke paidalaný úshin eki uialy telefonnan artyq alyp kire almaidy. Eger qurylǵylar sany odan kóp bolsa, olardy mindetti túrde deklaratsiialap, kedendik rásimdeýden ótkizý qajet.
Tekserý barysynda ustalǵandardyń tórteýi jeke kásipker ekeni anyqtalǵan. Al taǵy tórt azamat qurylǵylardy jeke kásipker retinde tirkelmei-aq elge ákelmek bolǵan.
Tárkilengen barlyq smartfondar men qulaqqaptar ýaqytsha saqtaý qoimasyna jiberildi. Qazirgi ýaqytta zańbuzýshylarǵa qatysty ákimshilik jaýapkershilik máselesi qarastyrylyp jatyr.
