Astana qalasynyń birinshi satydaǵy soty Qazaqstan Respýblikasy Básekelestikti qorǵaý jáne damytý agenttigi Astana qalasy boiynsha departamenti júrgizgen tekserý nátijesin zańdy dep tanydy. Tergeý barysynda Nursultan Nazarbaev halyqaralyq áýejaiy naryqtaǵy ústem jaǵdaiyn paidalanyp, aviakerosin jetkizýshilerinen zańda qarastyrylmaǵan alym alyp kelgeni anyqtalǵan, dep habarlaidy dalanews.kz.
Agenttik málimetinshe, áýejai aviakerosindi saqtaý, qabyldaý jáne jetkizý qyzmeti úshin jetkizýshilerden qosymsha aqy talap etken. Alaida mundai tólem zańnamada kózdelmegen. Al qyzmet kórsetetin basqa balama bolmaǵandyqtan, jetkizýshiler bul talapqa kónýge májbúr bolǵan.
Tekserý barysynda atalǵan alymnyń mólsheri bir tonna úshin 16 240 teńgeden 77 852 teńgege deiin kezeń-kezeńimen óskeni anyqtaldy. Keiin ol 60 137 teńgege deiin tómendegen.
Monopoliiaǵa qarsy organnyń baǵalaýynsha, bul qosymsha shyǵyn aviakerosin jetkizýshilerine qarjylai salmaq túsirip qana qoimai, bolashaqta áýe otyny baǵasynyń qymbattaýyna, sonyń saldarynan áýe biletteriniń qunyna da áser etýi múmkin.
Osyǵan bailanysty áýejaidyń áreketi Qazaqstan Respýblikasynyń Kásipkerlik kodeksiniń 174-baby boiynsha ústem (monopoliialyq) jaǵdaidy teris paidalaný dep tanyldy.
Básekelestikti qorǵaý jáne damytý agenttigi buǵan deiin de elimizdegi birneshe áýejaidan osyndai zańbuzýshylyqtardy anyqtaǵan. Mamandardyń aitýynsha, Qazaqstandaǵy kóptegen áýejaida aviakerosindi saqtaý jáne jetkizý qyzmetin bir ǵana operator kórsetetindikten, jetkizýshilerdiń basqa tańdaý múmkindigi joq. Osy sebepti bul saladaǵy básekelestik máselesi birneshe ret Úkimet deńgeiinde de kóterilgen.
