Astanada qazir shamamen 20 reis keshigip jatyr. Bul ushyp kelý baǵyttaryna da, ushyp shyǵý baǵyttaryna da qatysty bolyp otyr, dep habarlaidy Dalanews.kz.
Bul jaǵdai Almaty, Qostanai, Shymkent, Óskemen, Oral, Qyzylorda, Petropavl, Semei, Omby jáne Bishkek baǵyttaryna áser etken.
Reisterdiń bir bóligi ushaqtar kesh kelýine bailanysty keiinge qaldyrylǵan. Keibiri áýe kemelerin aýystyrýǵa jáne áýe kompaniialarynyń ishki sebepterine bailanysty toqtatylǵan. Taǵy birneshe reis elordadaǵy qolaisyz aýa raiyna bailanysty shegerildi.
Budan bólek, 11 reis tolyqtai toqtatyldy: úsheýi ushyp kelý, segizi ushyp shyǵý baǵytynda.
Sinoptikterdiń boljamynsha, 10 naýryzda Astanada qar jaýyp, boran soǵyp, tuman túsip, sekýndyna 23 metrge deiin jetetin jel turǵan.
