2027 jylǵy kibersporttan álem chempionaty Astanada ótedi, dep habarlaidy dalanews.kz.
Bul týraly Halyqaralyq kibersport federatsiiasy (IESF), Qazaqstannyń Týrizm jáne sport ministrligi jáne Qazaq Cybersport Federation arasynda ótken kelisimge qol qoiý rásiminen keiin belgili boldy.
Uiymdastyrýshylardyń málimetinshe, jarysqa IESF quramyndaǵy 150-den astam ulttyq federatsiianyń ókilderi qatysady. Chempionat ulttyq quramalar formatynda ótkiziledi.
Aldyn ala jariialanǵan baǵdarlamaǵa sáikes, álem chempionatynda myna oiyn túrleri boiynsha jarystar ótedi:
• Counter-Strike 2;
• Dota 2;
• Mobile Legends: Bang Bang;
• PUBG MOBILE;
• eFootball;
• Tekken 8.
IESF prezidenti Vlad Marineskýdiń aitýynsha, 2027 jyly Astana álemdik kibersporttyń astanasyna ainalady. Al Qazaqstannyń Týrizm jáne sport ministri Erbol Myrzabosynov mundai halyqaralyq týrnirdi ótkizý eldiń iri sporttyq is-sharalardy joǵary deńgeide uiymdastyra alatynyna degen senimniń belgisi ekenin aitty.
