Elimizde eńbek jáne halyqty áleýmettik qorǵaý vitse-ministri taǵaiyndaldy, dep habarlaidy Dalanews.kz.
"Qazaqstan Respýblikasy Úkimetiniń qaýlysymen Ertaev Asqarbek Maratuly eńbek jáne halyqty áleýmettik qorǵaý vitse-ministri qyzmetine taǵaiyndaldy", - delingen málimette.
Asqarbek Ertaev 1977 jyly Aqtóbe qalasynda dúniege kelgen.
"Nur" Aqtóbe menedjment, biznes jáne quqyq institýtyn, Q. Jubanov atyndaǵy Aqtóbe memlekettik ýniversitetin bitirgen.
Eńbek jolyn 1997 jyly Aqtóbe oblysy Muǵaljar aýdany ákimi apparatynyń ónerkásip, kólik, bailanys, qurylys jáne kommýnaldyq sharýashylyq máseleleri jónindegi II sanattaǵy maman bolyp bastaǵan.
2000-2014 jj. bank salasynda ártúrli qyzmette jumys istedi.
2014-2021 jj. QR Ulttyq ekonomika ministrligi Memlekettik basqarý júiesin damytý departamentiniń bas sarapshysy, basqarma bastyǵy, direktordyń orynbasary, Strategiialyq taldaý jáne damý departamentiniń direktory.
2021-2022 jj. – QR Prezidenti Ákimshiligi QR Qaýipsizdik keńesi Taldaý bóliminiń sektor meńgerýshisi.
2022 jylǵy maýsymnan bastap qazirgi ýaqytqa deiin QR Úkimeti Apparaty Ekonomikalyq bóliminiń meńgerýshisi bolyp qyzmet etti.
Al vitse-ministr bolyp taǵaiyndalǵanǵa deiin QR EHÁQM Kóshi-qon komitetiniń tóraǵasy qyzmetin atqardy.
