ەلىمىزدە ەڭبەك جانە حالىقتى الەۋمەتتىك قورعاۋ ۆيسە-مينيسترى تاعايىندالدى، دەپ حابارلايدى Dalanews.kz.
"قازاقستان رەسپۋبليكاسى ۇكىمەتىنىڭ قاۋلىسىمەن ەرتايەۆ اسقاربەك مارات ۇلى ەڭبەك جانە حالىقتى الەۋمەتتىك قورعاۋ ۆيسە-مينيسترى قىزمەتىنە تاعايىندالدى"، - دەلىنگەن مالىمەتتە.
اسقاربەك ەرتايەۆ 1977 جىلى اقتوبە قالاسىندا دۇنيەگە كەلگەن.
"نۇر" اقتوبە مەنەدجمەنت، بيزنەس جانە قۇقىق ينستيتۋتىن، ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن بىتىرگەن.
ەڭبەك جولىن 1997 جىلى اقتوبە وبلىسى مۇعالجار اۋدانى اكىمى اپپاراتىنىڭ ونەركاسىپ، كولىك، بايلانىس، قۇرىلىس جانە كوممۋنالدىق شارۋاشىلىق ماسەلەلەرى جونىندەگى II ساناتتاعى مامان بولىپ باستاعان.
2000-2014 جج. بانك سالاسىندا ءارتۇرلى قىزمەتتە جۇمىس ىستەدى.
2014-2021 جج. ق ر ۇلتتىق ەكونوميكا مينيسترلىگى مەملەكەتتىك باسقارۋ جۇيەسىن دامىتۋ دەپارتامەنتىنىڭ باس ساراپشىسى، باسقارما باستىعى، ديرەكتوردىڭ ورىنباسارى، ستراتەگيالىق تالداۋ جانە دامۋ دەپارتامەنتىنىڭ ديرەكتورى.
2021-2022 جج. – ق ر پرەزيدەنتى اكىمشىلىگى ق ر قاۋىپسىزدىك كەڭەسى تالداۋ ءبولىمىنىڭ سەكتور مەڭگەرۋشىسى.
2022 جىلعى ماۋسىمنان باستاپ قازىرگى ۋاقىتقا دەيىن ق ر ۇكىمەتى اپپاراتى ەكونوميكالىق ءبولىمىنىڭ مەڭگەرۋشىسى بولىپ قىزمەت ەتتى.
ال ۆيسە-مينيستر بولىپ تاعايىندالعانعا دەيىن ق ر ەحاقم كوشى-قون كوميتەتىنىڭ ءتوراعاسى قىزمەتىن اتقاردى.
