Otyrysqa memlekettik organdardyń 35 ókili, ÚEU jáne sarapshylar qaýymdastyǵynyń 46 ókili qatysty.
Is-sharanyń negizgi spikerleri Densaýlyq saqtaý vitse-ministri Jandos Búrkitbaev, Aqparat jáne qoǵamdyq damý vitse-ministri Daniiar Qadyrov, «Qazaqstan halqyna» QQ Basqarma tóraǵasy Bolat Jámishev, «Qazaqstannyń Azamattyq Aliansy» ZTB prezidenti Baný Nurǵazieva boldy.Ministr óziniń alǵysózinde:
– Memleket basshysy óziniń Qazaqstan halqyna Joldaýynda mańyzdy áleýmettik máselelerdi sheshýdegi úkimettik emes sektordyń rólin jáne azamattyq qoǵam institýttaryn júieli túrde qaita júktemeleý qajettiligin erekshe atap ótti. Osyǵan orai, qoǵamdyq dialogtyń biryńǵai institýtsionaldyq modelin qalyptastyrý jáne bilik pen halyq arasyndaǵy ózara is-qimyldy kúsheitý Úilestirý keńesiniń negizgi mindetteriniń biri bolyp tabylady, – dep atap ótti.
Sonymen qatar, otyrys barysynda Ministr memlekettik organdardyń ÚEU-men ózara is-qimyl rásimin jetildirýdiń, Qoǵamdyq keńester quramyn sapaly jańartýdyń jáne «Ulttyq Quryltai» Ulttyq institýtynyń jumysyna qoǵam ókilderin neǵurlym kóbirek tartý týraly aitty.
Úilestirý keńesi barysynda Jandos Búrkitbaev «Qazaqstan halqyna» qoǵamdyq qoryn qurý boiynsha júrgizilgen jumystar týraly aityp berdi.
Óz kezeginde, «Qazaqstan halqyna» Qorynyń Basqarma tóraǵasy Bolat Jámishev jobalar men baǵdarlamalardy qarjylandyrý boiynsha irikteý erekshelikterin ázirleý týraly, sondai-aq eldegi qaiyrymdylyq júiesin qurýǵa baǵyttalatyn «qordy» – «qorlardy» modelin iske asyrý týraly habarlady.
Keńestiń qatysýshylary taqyrypty josparlaýdyń jáne óńirlik deńgeide memlekettik áleýmettik tapsyrysty iske asyrýdyń tiimdiligin baǵalaýdyń problemalyq máselelerin egjei-tegjeili talqylady.
Otyrystyń qorytyndylary Úilestirý keńesiniń hattamasynda kórsetilip, jumys úshin memlekettik organdarǵa joldanatyn bolady.
Úilestirý keńesiniń jarqyn qorytyndysy retinde, Qazaqstannyń Azamattyq Aliansynyń prezidenti Baný Nurǵazieva, el Prezidenti Qasym-Jomart Toqaevtyń progressivti bastamalaryna qoldaý kórsetip, azamattyq qoǵam ókilderi atynan Ashyq úndeý jariialaý jónindegi azamattyq bastamasyn bildirdi.
