وتىرىسقا مەملەكەتتىك ورگانداردىڭ 35 وكىلى، ۇەۇ جانە ساراپشىلار قاۋىمداستىعىنىڭ 46 وكىلى قاتىستى.
ءىس-شارانىڭ نەگىزگى سپيكەرلەرى دەنساۋلىق ساقتاۋ ۆيسە-مينيسترى جاندوس بۇركىتبايەۆ، اقپارات جانە قوعامدىق دامۋ ۆيسە-مينيسترى دانيار قادىروۆ، «قازاقستان حالقىنا» قق باسقارما ءتوراعاسى بولات جامىشيەۆ، «قازاقستاننىڭ ازاماتتىق اليانسى» زتب پرەزيدەنتى بانۋ نۇرعازييەۆا بولدى.مينيستر ءوزىنىڭ العىسوزىندە:
– مەملەكەت باسشىسى ءوزىنىڭ قازاقستان حالقىنا جولداۋىندا ماڭىزدى الەۋمەتتىك ماسەلەلەردى شەشۋدەگى ۇكىمەتتىك ەمەس سەكتوردىڭ ءرولىن جانە ازاماتتىق قوعام ينستيتۋتتارىن جۇيەلى تۇردە قايتا جۇكتەمەلەۋ قاجەتتىلىگىن ەرەكشە اتاپ ءوتتى. وسىعان وراي، قوعامدىق ديالوگتىڭ ءبىرىڭعاي ينستيتۋسيونالدىق مودەلىن قالىپتاستىرۋ جانە بيلىك پەن حالىق اراسىنداعى ءوزارا ءىس-قيمىلدى كۇشەيتۋ ۇيلەستىرۋ كەڭەسىنىڭ نەگىزگى مىندەتتەرىنىڭ ءبىرى بولىپ تابىلادى، – دەپ اتاپ ءوتتى.
سونىمەن قاتار، وتىرىس بارىسىندا مينيستر مەملەكەتتىك ورگانداردىڭ ۇەۇ-مەن ءوزارا ءىس-قيمىل ءراسىمىن جەتىلدىرۋدىڭ، قوعامدىق كەڭەستەر قۇرامىن ساپالى جاڭارتۋدىڭ جانە «ۇلتتىق قۇرىلتاي» ۇلتتىق ينستيتۋتىنىڭ جۇمىسىنا قوعام وكىلدەرىن نەعۇرلىم كوبىرەك تارتۋ تۋرالى ايتتى.
ۇيلەستىرۋ كەڭەسى بارىسىندا جاندوس بۇركىتبايەۆ «قازاقستان حالقىنا» قوعامدىق قورىن قۇرۋ بويىنشا جۇرگىزىلگەن جۇمىستار تۋرالى ايتىپ بەردى.
ءوز كەزەگىندە، «قازاقستان حالقىنا» قورىنىڭ باسقارما ءتوراعاسى بولات جامىشيەۆ جوبالار مەن باعدارلامالاردى قارجىلاندىرۋ بويىنشا ىرىكتەۋ ەرەكشەلىكتەرىن ازىرلەۋ تۋرالى، سونداي-اق ەلدەگى قايىرىمدىلىق جۇيەسىن قۇرۋعا باعىتتالاتىن «قوردى» – «قورلاردى» مودەلىن ىسكە اسىرۋ تۋرالى حابارلادى.
كەڭەستىڭ قاتىسۋشىلارى تاقىرىپتى جوسپارلاۋدىڭ جانە وڭىرلىك دەڭگەيدە مەملەكەتتىك الەۋمەتتىك تاپسىرىستى ىسكە اسىرۋدىڭ تيىمدىلىگىن باعالاۋدىڭ پروبلەمالىق ماسەلەلەرىن ەگجەي-تەگجەيلى تالقىلادى.
وتىرىستىڭ قورىتىندىلارى ۇيلەستىرۋ كەڭەسىنىڭ حاتتاماسىندا كورسەتىلىپ، جۇمىس ءۇشىن مەملەكەتتىك ورگاندارعا جولداناتىن بولادى.
ۇيلەستىرۋ كەڭەسىنىڭ جارقىن قورىتىندىسى رەتىندە، قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازييەۆا، ەل پرەزيدەنتى قاسىم-جومارت توقايەۆتىڭ پروگرەسسيۆتى باستامالارىنا قولداۋ كورسەتىپ، ازاماتتىق قوعام وكىلدەرى اتىنان اشىق ۇندەۋ جاريالاۋ جونىندەگى ازاماتتىق باستاماسىن ءبىلدىردى.
