Sapary barysynda Túrkistan aimaǵyn damytý perspektivalary týraly komissiianyń birinshi otyrysyna qatysyp, qalanyń damý josparymen tanysty.
Jańa oblys ortalyǵynyń damý josparymen tanystyrǵan J.Túimebaev Elbasy tapsyrmasyn oryndaý maqsatynda arnaiy shtab qurylǵanyn atap ótti.
Asqar Maminge sonymen qatar, jańa ákimshilik-iskerlik ortalyqty damytý jobasy, jol, qurylys infraqurylymdaryn odan ári jańǵyrtý jumystary baiandaldy.
Máselen, jańadan jasalǵan bas josparǵa sáikes qala aýmaǵynyń kólemi 35 myń gektarǵa ulǵaiǵan. Al Túrkistan qalasynyń shyǵys bóliginen jańa qalashyq salý úshin 670 gektar jer bólinip otyr. Onyń 170 gektar bolatyn aýmaǵyna ákimshilik-iskerlik ortalyq salynsa, 300 gektaryna kóp qabatty turǵyn úiler turǵyzylatyn bolady. Atalǵan qalashyqta 65 myńǵa jýyq turǵyn turady dep josparlanýda.Sonymen qatar, jańa josparǵa sáikes infraqurylymdyq júielerdi jáne kóliktik-logistikalyq baǵytty damytý joldary qarastyrylýda.
Budan bólek, tanystyrylym barysynda «Kóne Túrkistan» tarihi bóligin jańǵyrtý jobasy týraly baiandaldy. Joba Q.A.Iassaýi kesenesi mańyndaǵy qorǵandardy rekonstrýktsiialaýǵa baǵyttalǵan. Kóne Túrkistan» jobasynyń negizgi ideialyq mánin iske asyrýdyń 2 nusqasy usynylyp otyr. Onyń birinshisi «Túrksoi» uiymyna múshe elderdiń mádeni oshaqtaryn naqty tarihi sipatta, ózindik sáýlettik naqyshta qalyptastyrý jóninde jobalyq usynystaryn alý jáne sol elderge tiisti nysandardy saldyrý. Ekinshi nusqada túrkitildes elder tarapynan investitsiia salý máselesimen qatar otandyq nemese basqa da investorlardy tartý jumystary qosa júrgizý qaralǵan.
Qalanyń damý josparymen tanysqan Asqar Mamin atalǵan jumystardyń oryndalýy Úkimet tarapynan qadaǵalanatynyn aityp, Memleket basshysy tapsyrmasynyń tiisti deńgeide júzege asyrý úshin Úkimetten meilinshe qoldaý kórsetiletinin jetkizdi.
Sapary barysynda QR Premer-Ministriniń birinshi orynbasary Asqar Mamin Túrkistan qalasy ákimdiginiń jumysymen jáne memlekettik qyzmetkerlerge arnalǵan jatahanamen, sondai-aq, qoldanystaǵy temir jol vokzalyn aralap kórdi.
Túrkistan oblysy ákiminiń baspasóz qyzmeti
