Almaty oblysyndaǵy "Aspan siti" turǵyn úi kesheniniń turǵyndary ystyq sý óshirilýine bailanysty Prezident Qasym-Jomart Toqaevqa, oblys jáne aýdan ákimdigine, sondai-aq, "Talǵar Jylý" mekemesine ujymdyq úndeý joldady, dep habarlaidy dalanews.kz.
Turǵyndardyń aitýynsha, 2025 jyly jeltoqsanda jylý jáne ystyq sýmen qamtamasyz etip otyrǵan blokty-modýl qazandyqta órt shyqqan. Saldarynan ǵimarat pen negizgi jabdyqtar zaqymdanǵan.
Alaida arada birneshe ai ótse de, qazandyq tolyq qalpyna keltirilmegen. Al 2026 jylǵy 23 mamyrdan bastap turǵyndarǵa ystyq sý berý tolyq toqtatylǵan.
Úndeý avtorlary Besaǵash aýyldyq okrýgi men Talǵar aýdandyq ákimdigi tarapynan másele qashan sheshiletini jóninde naqty aqparat berilmegenin aitty.
Turǵyndar jaýapty organdardan qazandyqty tolyq qalpyna keltirip, "Aspan Siti" turǵyn úi keshenine shuǵyl túrde ystyq sý berýdi talap etti.
