Qorǵanys ministrliginiń baspasóz qyzmetiniń taratqan aqparatynsha salany tsifrlyq platformaǵa kóshirý aldynda innovatsiiany zańnamalyq turǵydan bekitý jáne ony tehnikalyq engizý boiynsha aldyn ala jumystar júrgizilmekshi.
– Qazir Qorǵanys ministrligine qatysty jeke bailanysýdy qajet etetin qyzmetter tsifrlyq formatqa kóshirilýde. Beibit ýaqytta áskeri jastaǵy azamattarǵa tirkeý kýáligin alý men áskeri boryshyn ótemegenderge áskeri biletterdi berý joiyldy. 17 jastaǵy bozbalalar endi jeke is qaǵazdaryn jinap, áskeri komissariattarǵa kelip, tirkeýge turady. Ol júielerdegi qolda bar derekter negizinde avtomatty túrde júzege asyrylady, – dedi Dalanews.kz tilshisine Qorǵanys ministrliginiń baspasóz qyzmeti.
Áskeri salada elektrondyq esep pen tsifrlandyrýdyń arqasynda qandai ózgerister kútip tur? Endi osy suraqqa az-kem jaýap bere kesek.
Jańa ózgeriske sai áskeri mindettiler men merzimdi áskeri qyzmetshiler turǵylyqty jerin aýystyrǵan kezde endi áskeri basqarý organdaryna habarlasýdyń qajeti joq. Tirkeý barysy avtomatty túrde júzege asady. Endi qujattaryńyzdy qushaqtap, bir áskeri komissarattyn kelesi bir áskeri komissaratqa baryp, uzaq sonar kezekti turyp ýaqyt joǵaltpaisyz.
Búginde meken jaiyńyzdy ózgertken kezde kez kelgen azamattyń turǵylyqty meken jaiy Elektrondy úkimet portalyna júkteletini belgili. Endi osy áskeri sala osy portalǵa integratsiialanyp, áskeri mindetti azamattardyń qai jerge tirkelgenin elektrondy bazadan kórip, nazarǵa alyp otyrady.
Osyǵan deiin áskeri mindetti kez kelgen er adam jańa jumysqa turǵan kezde jumys berýshi qyzmetkerden áskeri bilet nemese tirkeý týraly qujat talap etetin. Endi bul da kelmeske ketedi desek bolady. Óitkeni barlyq málimetter azamattyń Egov-taǵy jeke kabinetinde «Áskeri qyzmet» bóliminde ornalastyrmaqshy. Jumys berýshige qandaida málimet bolsa Egov júiesinen ótip kóre alady.
Eger málimetter shyndyqqa janaspai, joq bolyp jatsa resýrs paidalanýshylar jeke kabineti arqyly «Aqparatty jańartý/túzetý» memlekettik kórsetiletin qyzmetke júginip, tiisti qujattardy qosyp, tolyqtyrýyna bolady. Al buǵan deiin áskeri esepke turyp, bir japyraq anyqtama qaǵazyn alý úshin 200-300 shaqyrym jol júrip, azamattar tórt-bes kún ýaqytyn joǵaltýshy edi. Áskeri salany tsifrlandyrýdyń arqasynda osynyń bári artta qalaiyn dep tur.
Aitpaqshy, endi zeinetkerlikke shyqqannan keiin áskeri qyzmet ótkergenin rastaityn anyqtama alý úshin jergilikti áskeri komissarattyń esigin qaǵýdyń da qajeti joq. Bar bolǵany úide otyryp, Egov portaly arqyly ózińizge qajetti anyqtamany alatyn múmkindik týady. Osylaisha tsifrlandyrý isi áskeri salanyń jumysyn ońtailandyryp, jumystyń tiimdiligin arttyra túsetin boldy.
N.ÁÝBÁKIR
