قورعانىس مينيسترلٸگٸنٸڭ باسپاسٶز قىزمەتٸنٸڭ تاراتقان اقپاراتىنشا سالانى تسيفرلىق پلاتفورماعا كٶشٸرۋ الدىندا يننوۆاتسييانى زاڭنامالىق تۇرعىدان بەكٸتۋ جەنە ونى تەحنيكالىق ەنگٸزۋ بويىنشا الدىن الا جۇمىستار جٷرگٸزٸلمەكشٸ.
– قازٸر قورعانىس مينيسترلٸگٸنە قاتىستى جەكە بايلانىسۋدى قاجەت ەتەتٸن قىزمەتتەر تسيفرلىق فورماتقا كٶشٸرٸلۋدە. بەيبٸت ۋاقىتتا ەسكەري جاستاعى ازاماتتارعا تٸركەۋ كۋەلٸگٸن الۋ مەن ەسكەري بورىشىن ٶتەمەگەندەرگە ەسكەري بيلەتتەردٸ بەرۋ جويىلدى. 17 جاستاعى بوزبالالار ەندٸ جەكە ٸس قاعازدارىن جيناپ, ەسكەري كوميسسارياتتارعا كەلٸپ, تٸركەۋگە تۇرادى. ول جٷيەلەردەگٸ قولدا بار دەرەكتەر نەگٸزٸندە اۆتوماتتى تٷردە جٷزەگە اسىرىلادى, – دەدٸ Dalanews.kz تٸلشٸسٸنە قورعانىس مينيسترلٸگٸنٸڭ باسپاسٶز قىزمەتٸ.
ەسكەري سالادا ەلەكتروندىق ەسەپ پەن تسيفرلاندىرۋدىڭ ارقاسىندا قانداي ٶزگەرٸستەر كٷتٸپ تۇر? ەندٸ وسى سۇراققا از-كەم جاۋاپ بەرە كەسەك.
جاڭا ٶزگەرٸسكە ساي ەسكەري مٸندەتتٸلەر مەن مەرزٸمدٸ ەسكەري قىزمەتشٸلەر تۇرعىلىقتى جەرٸن اۋىستىرعان كەزدە ەندٸ ەسكەري باسقارۋ ورگاندارىنا حابارلاسۋدىڭ قاجەتٸ جوق. تٸركەۋ بارىسى اۆتوماتتى تٷردە جٷزەگە اسادى. ەندٸ قۇجاتتارىڭىزدى قۇشاقتاپ, بٸر ەسكەري كوميسساراتتىن كەلەسٸ بٸر ەسكەري كوميسساراتقا بارىپ, ۇزاق سونار كەزەكتٸ تۇرىپ ۋاقىت جوعالتپايسىز.
بٷگٸندە مەكەن جايىڭىزدى ٶزگەرتكەن كەزدە كەز كەلگەن ازاماتتىڭ تۇرعىلىقتى مەكەن جايى ەلەكتروندى ٷكٸمەت پورتالىنا جٷكتەلەتٸنٸ بەلگٸلٸ. ەندٸ وسى ەسكەري سالا وسى پورتالعا ينتەگراتسييالانىپ, ەسكەري مٸندەتتٸ ازاماتتاردىڭ قاي جەرگە تٸركەلگەنٸن ەلەكتروندى بازادان كٶرٸپ, نازارعا الىپ وتىرادى.
وسىعان دەيٸن ەسكەري مٸندەتتٸ كەز كەلگەن ەر ادام جاڭا جۇمىسقا تۇرعان كەزدە جۇمىس بەرۋشٸ قىزمەتكەردەن ەسكەري بيلەت نەمەسە تٸركەۋ تۋرالى قۇجات تالاپ ەتەتٸن. ەندٸ بۇل دا كەلمەسكە كەتەدٸ دەسەك بولادى. ٶيتكەنٸ بارلىق مەلٸمەتتەر ازاماتتىڭ Egov-تاعى جەكە كابينەتٸندە «ەسكەري قىزمەت» بٶلٸمٸندە ورنالاستىرماقشى. جۇمىس بەرۋشٸگە قاندايدا مەلٸمەت بولسا Egov جٷيەسٸنەن ٶتٸپ كٶرە الادى.
ەگەر مەلٸمەتتەر شىندىققا جاناسپاي, جوق بولىپ جاتسا رەسۋرس پايدالانۋشىلار جەكە كابينەتٸ ارقىلى «اقپاراتتى جاڭارتۋ/تٷزەتۋ» مەملەكەتتٸك كٶرسەتٸلەتٸن قىزمەتكە جٷگٸنٸپ, تيٸستٸ قۇجاتتاردى قوسىپ, تولىقتىرۋىنا بولادى. ال بۇعان دەيٸن ەسكەري ەسەپكە تۇرىپ, بٸر جاپىراق انىقتاما قاعازىن الۋ ٷشٸن 200-300 شاقىرىم جول جٷرٸپ, ازاماتتار تٶرت-بەس كٷن ۋاقىتىن جوعالتۋشى ەدٸ. ەسكەري سالانى تسيفرلاندىرۋدىڭ ارقاسىندا وسىنىڭ بەرٸ ارتتا قالايىن دەپ تۇر.
ايتپاقشى, ەندٸ زەينەتكەرلٸككە شىققاننان كەيٸن ەسكەري قىزمەت ٶتكەرگەنٸن راستايتىن انىقتاما الۋ ٷشٸن جەرگٸلٸكتٸ ەسكەري كوميسساراتتىڭ ەسٸگٸن قاعۋدىڭ دا قاجەتٸ جوق. بار بولعانى ٷيدە وتىرىپ, Egov پورتالى ارقىلى ٶزٸڭٸزگە قاجەتتٸ انىقتامانى الاتىن مٷمكٸندٸك تۋادى. وسىلايشا تسيفرلاندىرۋ ٸسٸ ەسكەري سالانىڭ جۇمىسىن وڭتايلاندىرىپ, جۇمىستىڭ تيٸمدٸلٸگٸن ارتتىرا تٷسەتٸن بولدى.
ن.ەۋبەكٸر
