Qyrǵyzstannyń Shý oblystyq soty 4 qazanda Ázimjan Asqarovtyń isin qaraýdy bastady. Sot protsesi Jazany oryndaý memlekettik qyzmetiniń tutqyndardy alyp júrý departamentiniń ǵiaratynda ótip jatyr.
Sot zalynda Asqarov Qurandy ustap ant berip, óziniń aiyby joq ekenin aityp, shyndyq detektorynan ótkizýdi surady.
Ol sonymen birge Bazar-Qorǵan aýdanynda bolǵan oqiǵaǵa qatyspaǵanyn aitady. Onyń sózderinshe, quqyq qorǵaýshylarda oqiǵany túsirgen beinejazba bar. Sony qarap, óziniń ol jerde bolmaǵanyn túsinýge bolady deidi.
Sotqa kýáger retinde qatysqan militsiia qyzmetkerleri bolsa ol aitqandai beinetaspa joq deidi.
Sot Asqarovtyń shyndyq detektorynan ótkizý usynysyn qabyldamady.
Asqarov Bazar-Qorǵan aýdanynda adam quqyqyn qorǵaý qyzmetimen ainalysty. 2010 jylǵy maýsym oqiǵalarynan soń ol jappai tártipsizdikti uiymdastyrdy, militsiia qyzmetkerin óltirýge qatysty degen kúdikpen ustalǵan. Sottyń barlyq instantsiialary ony ómirlik túrme jazasyna kesti.
2016 jyly sáýirde BUU Adam quqyqtary jónindegi komiteti qyrǵyz biligin Asqarovqa taǵylǵan aiyptardy joiyp, ony bosatýǵa shaqyrdy.
