Bas prokýror Berik Asylovtyń aitýynsha, zańsyz shyǵarylǵan aktivterdi qaitarý týraly zań qabyldanǵaly beri oligopoliia sýbektilerinen 1,3 trln teńgeden astam qarjy óndirildi. Onyń shamamen 850 mlrd teńgesi memleket kirisine tústi, dep habarlaidy Dalanews.kz.
Asylovtyń málimetinshe, qaitarylǵan qarajat esebinen jalpy quny 375 mlrd teńgege 207 sý qubyry nysany, 177 meditsinalyq mekeme jáne 14 bilim berý men sport nysanynyń qurylysy bastaldy.
Oligopoliia sýbektilerimen kelisimder jasalyp, elge 5,2 trln teńge investitsiia salý týraly mindettemeler qabyldandy. Onyń ishinde Almatyda jańa týristik keshen, ózge óńirlerde kólik-logistikalyq ortalyqtar men zaýyttar salynbaq.
Máselen, 3 myńnan astam jumys ornyn ashatyn taý-ken baiytý kombinaty boi kóteredi. Ol óndiris kólemin ulǵaityp, resýrstardy óńdeý deńgeiin arttyrady, eldiń eksporttyq áleýetin kúsheitedi jáne salyq túsimderin kóbeitedi.
Sonymen qatar oligopoliia sýbektileri jalpy quny 122 mlrd teńgeni quraityn 16 mektep pen balabaqsha, 8 dárigerlik ambýlatoriia men aýrýhana, 13 sport kesheni jáne 16 mádeni-demalys nysanyn turǵyzady.
Bul jobalar 8 myńnan astam qosymsha jumys ornyn ashady. Bas prokýror atalǵan nysandardyń qurylysyn qatań baqylaýda ustaitynyn atap ótti.
